Lita svoje učine,
sve teže delan škaline.
Par boti se moran fermati
i Ventolin udisati.
Po suncu ne smin hoditi,
polepodne samo pod dud siditi,
zvečer more jena pašeđata
uz more i duga fermata.
Anke isti moran
kaj da san u špitalu.
Kuhano, lešo, bez masti,
ma ča će držat gori moje kosti?
Ako đilato poližen,
moja šći se čepiva za lase
"Ma kako će ti kolesterol
s tim slatkim pojti dol?".
Si popijem dec vina
i pojim fetu pršuta
skrivečki pred ženon
da je ne čujem škičati.
Almeno jeno moren
na miru činiti;
sport i partide gledati,
i đornale študjati.
Kad njanke to
ne bin smija,
najboje bin u kasunu biva
i na cimitru počiva.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.