subota, 2. studenoga 2019.

Siniša Cmrk | Dok spiš...


Dok spiš, je l senjaš črlene tulipane,
il se samo skriješ pod plafte belinu?
Il morti fletno senjaš, čekaš nove dane,
teraš buku, z senjami prizivaš tišinu?

Dok spiš, je l te žekčo mefke vunene čežnjice
il se po noći obračaš i senjaš na glas?
Il se kuturaju k tebi po noči snene bežnjice,
il se očeš zbuditi. Vu dnevu najti od senje spas.

Dej mi poveč, dok spiš, ti ženska z jokom dekličke,
kaj te moči dok se senje okoli tebe pletu?
Je l se moreš  najesti, a ostaviti od jaboke kličke,
je l se moreš napojiti z lepim na ovomu Svetu?


1 komentar :

Hvala na vašem komentaru. Isti će biti objavljen nakon pregleda moderatora.