Kolumne

četvrtak, 16. studenoga 2017.

Božica Jelušić | Nek mi vele...



Nek mi veli nešče drugi,
Da bu zutra malo bolje.
Posmekne se vlak po prugi,
Dok mraz zništi celo polje.

Nek mi vele da bu vina,
Mesa, zelja i krumpera.
Da bu zdrava vsa živina,
Beteg da je prešel fčera.

V cajtungima loše viesti,
Prazni žepi, ljudi besni.
Zli nas veter hoče stresti
V bedenj, gdi su levo-desni.

Nek' mi vele, da ja čujem,
Što to naše duše krade.
Vre jočima ne verujem:
Pedelj-muži, laket brade.

Čekam da se den presvetli.
V postelj se zavlekla štriga.
Nek v dvor zleti Ajngel svetli,
I reče mi: "KAJ TE BRIGA!".

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.