Silvija Šesto | Bolja polovnjača (16)

Isuse, Višnja, meni se čini ko da samo ja pričam, daj i ti gukni koju. No, dobro, ti si uvek nekak tak, zato su se i lepile cure za tebe. Znaš slušat. I znaš kaj bum ti još rekla, treba to znat. Ja ne znam. Da me ubiješ. Meni sam to ispada. Nemrem se smirit, strpit, uvek nekaj zvocam, ma se sećaš, uvek i oduvek. To je nekak još išlo kod staraca, al s frajerima se to jako komplicira. Joj, al ovo ti, mislim, u vezi s tim svakak moram ispričati. Znaš da nisam imala vozački. Čuj, nije mi se ni isplatilo, uvek me je neko vozal. No, čuj, kak danas svaka šuša vozi i ja sam ti se uputila polagat. To ti pričam u vezi s ovim čkomitisom. Čekaj malo, da se setim kad sam upisala, pa negdje baš mislim kad si ti otišla. Da. I upišem ti ja tu autoškolu. Kakti to je okej škola, Ljilja je tam otprve položila, a se sećaš Ljilje…A znaš di ti je sad ona? Ma nemreš verovat! Ona ti sad, draga moja, dela u ministarstvu. Nisam sigurna čega, al daj reci, Ljilja! I tak sam ti ja upisala taj vozački. Naravski, pismeni sam pala. Glupača. Frajer mi je rekel da je to čudno jer kaj, da  sam ja ipak profesorica. Jebeš profesoricu, mislim si ja u sebi, a kad ono to su ti bile, Višnja, čistam proročke reči. No dobro. Položim ti ja iz druge taj doktorat sa znakovima i vožnja. Dobijem ja nekog tipa, čuj, da ga vidiš zeknula bi se ko ja. Isti Mel Gibson, a frajera znaš. Mislim si ja mislim, kaj ovo meni Božek sugerira, al i upregnem ti ja u cilj, ulažem ti ja dodatne napore, velim si ja strogo poslovno, školski, pa jebate, ovo je škola ni ovo holivud. Vozimo ti se mi po gradu, opalim ti ja skoro par biciklista, cajoša i tak, nejde ti meni baš to kak sam si zamišljala, a s parkiranjem da ti ne pričam. Horor. A frajer me pili, pili. Kakti on je profič, a vidim ja pase, pase ko mlada krava u Alpama, sam kaj mu milka ne izlazi na žvale. Negdje sedmi sat, mislim da je bil sedmi al to sad zbilja ni ni bitno, veli ti on meni da idemo malo propičit. Čuj, ja se u životu tak nisam iznenadila. Ja se opće ne sečam kak sam ja to propičila, al sam se najemput našla na nekom mračnom parkingu i da me ubiješ ne znam  ni di je to bilo. Kak sam se ja našla na parkingu tak se je Gibson našel na meni. Pitam ja njega, šefe kaj je sad ovo, a čuj, bila sam onda još zelena, mislim kaj mi je bilo, sam jedan brak, il sam već bila sa Zdenkom? Jebote, kak ti se sve zmeša. Nis verovala da bum tak brzo postala senilna. A možda je to zbilja od tih hormona. Je ti Višnja dobro pamtiš? Je čuj, možda je i od lekova…Ti bokca, ja ti ih pijem ko bombone…Kad se nikak te migrene rešit, al veli mi ovaj moj da su i to hormoni. Jebeš hormone…I tak ti se on počel , taj Gibson, pratiš me?

Taj Gibson ti se počel po meni valjat ko pajcek, a ja ni pet ni šest zapalim auto, jer kaj, on ti je to nekak ugasil, a ja sam ti ko Hajdi mislila da učimo parkirati. Pitam ja njega kakva je to sad škola, a on meni hoće uvalit jezik. Pizdu materinu buš mi ga uvaljival za moje novce, ko kurva. Čuj. Nisam se dala. Nisam se dala i frajer je odustal. Al sam privremeno. Do ispita. Znaš kak mi je namestil. Kak mi je smjestil, jebate. Ja mislim da je to bilo dogovoreno sa šepavcem. Kao ispit. Komisija. Dva troglodita, jedan od njih je imal pepeljare, ma kaj pepeljare, imal je teleskope, ja mislim da nije videl ni prst pred nosom, a kamoli da bi mogel videt kak ja kakti vozim. Drugi je bil, čini mi se malo nacvrckan, nekak mi se čudno kladil i jedva se je ubacil na sic, mislim, a to sam posle zaključila, čuj Gibson ih je mogel pokupit u prvom bircu, nis ja proveravala jesu oni komisija ili nisu…Kaj da ti pričam. Došla sam do zebre, sećam se da je bilo zeleno, sad oni su tvrdili da je bilo zeleno šepavcu, a ja sam bila sigurna da je meni. Štaka mu je odletela, jebate do susjednog placa, u grincekima je završila, al fala Bogu frajer je ostal celi. I to ne celi. Kad sam malo bolje posle zvrtila film, frajer je čist guba bez štake hodal. Čuj, sad ili je lažni invalid bil il je Gibson to stvarno namestil. I tak sam ti ja opet pala. Ko zadnja koza. Gibson je cvetal i odmah smo se kao profi, kao da tam na onom crnom parkingu nije plazil po meni, profi smo se dogovorili za još pet sati. Pizdu materinu, velim ja, a baš nekak i nisam bila pri lovi. Ovo je namještaljka, al kaj možeš, kaj im možeš! Ja sam si još mislila jel da menjam instruktora, jer sam znala, čuj čovek to oseti, da bu tu bilo još dodatnih sati, al jel bum ja morala držati menjač il nekaj drugog tvrdog to nis znala. Čak sam i Maju htela zvati, jer ona je položila od pete. I kaj je najbolje, kad je položila imala je tak blaženu facu, znaš onak, ne od sreće kaj je položila ma kužiš ono mislim…I odmah sam povezala dva i dva i zaključila kak se je faca sigurno fukala sto na sat. Bez obzira na ograničenje brzine, ne. Znaš isto tak da se za Maju uvek pričalo da je nimfomanka… Kužiš ti koja je to jebada. Još plaćaš i još te prisiljava da se žnjoraš s nekim kaj baš i ne bi nego pod mus. A moraš. Ja sam skor prolupala. Al kaj, htela sam taj vozački i znaš kaj, baš sam se onda zainatila i rekla sam si, ženska, ovu stvar moraš srediti kak god znaš. Nazvala sam Maju i dogovorila se s njom za kavu da je malo propitam kak stoje stvari na tom planu. Ženska je tu bila doma, rekla sam ti kolko je puta, pa da rekla sam ti …Maja ti je meni onda izrecitirala  par narodnih poslovica na koje se moram furati dok se furam s tim Gibsonom i još mi je rekla da moram biti jako oprezna, jer da su ti fukači jako opasni kad im se povredi ponos, a ja sam bila na dobrom putu. Buš polagala sto puta, a ne buš položila još mi je rekla, a ja njoj, čuj pa ovo je pravna država, nemre se to sam tak delati i pogotovo ženske ucjenjivati, to je nasilje, ljudska prava i to, a ona je rekla na to da mora gibati i da zajebem sve kaj sam izverglala i još je rekla da joj nije jasno kak sam se tak poglupavila od srednje škole, jer da je ona u meni uvek videla veliku mamu s obzirom da sam ja prva u razredu ostala bez junfa. I to dobrovoljno. A toga se sigurno dobro sećaš. To je zbog one glupače Mace skoro bilo na oglasnoj ploči. Maca? Pojma nemam gdje je i da znaš da me i zaboli. Takve se uvek snađu. Kretenuša. Posle mi se još i upucavala, kao susede  smo, trebale bi skupa izlaziti i takve pizdarije. Ti dobro znaš da ja s pizdama nemam posla i da sam u tom pogledu zlopamtilo. Kaj je previše je previše.

Uh, već dugo trpim. Idem ja skočit do zahoda, a ti malom ak prođe reci još dve, bumo još dve? (zahod)  Čuj, Višnja, nekaj sam si razmišljala u zahodu. Zakaj Višnja ti i ja ne bi otišle na jedan vikend. Recimo do Opatije. Seka me već tri put zvala. Znaš da je Seka tam? Ne znaš? Joj, stara, pa ti si u totalnoj informativnoj blokadi. Je, je, tam je. Udala se za nekog tipa koji se furao do tridesete na književnost. Ti, da si vidla te spike. Ja mislim da od tad vučem gastritis. Posle je čovek došel malo sebi i prihvatil se posla. A bilo mu je teško, možeš si mislit! Starci su mu ostavili tu hižetinu i on je imal sam iznajmljivat. A Seka je okej. Fura još uvek starog fićeka i piči svoj film. Dece nemaju, jer ih on nemre imat. Poslala mi je fotke. Velim ti, već me tri godine zove, a čuj, sad je zima, al kaj ima veze. Upucamo joj se u petak navečer i u nedjelju gibamo, kužiš ono. Zakaj si ne bi otišli na koktelček. Ak može moj doktor…Joj, čuj…ja znam da sam ti već dosadila, al malo, malo pa pomislim na njega… Ko da mi je petnaest. Nemrem si pomoč. Mislim ono, šalu na stranu, to kaj mu je kćer hodala s mojim Zdenkecom i to kaj je, po istini Višnja, mislim ono kužiš kaj mislim, malo debelo otišel u godine, al kaj kad si nemrem pomoč, mislim ono ima nekaj, ne znam kaj, ali prilepila sam se ko selotejp, jebiga…

Joj, i tak ti je to…E, da ti završim s tim Gibsonom. Kak sam ti rekla. Od druge sam položila, al  to ti je bil krimić. Frajer je znal kaj hoće i to je i realiziral. Ja sam položila ispit al sam pala na spušteni sic. Ti, a da si vidla frajera. Mislim, čuj da me ni instruiral možda bi još bilo nekaj, mislim, mogli smo se sresti negde drugde, kaj ja znam, al ovak…Kaj je najgore, ja sam ti se čak malo i zagrijala za njega, čisti sadomazo, i taj auto, više se ne sećam jel bil pežo il reno, znam da je nekaj francuskog bilo. Znaš da ti ja ne padam na marke. Ziher sam samo da je bil crveni. Jebala ih crvena boja…Ja bi ukinula crvene aute, osobito kad ih voze bikovi, ne stvarno jebate Višnja… Ne znam, to sve s tim vozačkim, to mi zbilja ni trebalo, al kaj ćeš.

Čoveče,  Višnja, ovak kad pričam izgleda kak ja od faksa nisam niš drugo delala nego se ševila, kaj ne? Isuse, i ja sam se prestrašila. Al, kaj sam ti sad htela stvarno reči, čekaj malo…