Eda Budić | Štorija

u moru san oprla sve svoje škrbi

z slanon vodon ka je pasala pol svieta

na suncu san spekla novo mlado kožo

stala proti vetru pred tolika leta

sama san pasala škuro teško štorijo

nienega ni bilo ki bi mi poveda

ča me tamo čeka ki će mi naudit

svi su ušli dalje, niedan me ni gleda

sad gledaju z strahon, ne znaju ča reć

znaju da san bila na korak do ruba

moje su besede i kratke i šparne

kako da in rečen ča će hi zapeć?

mogla bin bit zid, brana od nesreće

oramaj već znan ča hudobe moru

moja je škrb za sveh ki su prišli blizu

samo da bi steli srce da je veće

škuro- tamno

štorija- priča

povedat- ispričati

uć- pobjeći

šparno- štedljivo

oramaj- ionako

hudoba- zlo biće