Davorka Črnčec | Oko jezera

 

Oko se jezera v mojemu oku kople,
čistam golo i kak glaž je glatko.
Svoja pera v moje prste devle

crta kruge i duge na čipkasto plahto.

V moje oko šumska farba zajde,
oko jezera je ribljega srebra puno.

Moje oko sam falačec sveta zible,

a oko je jezera kak zipka široko.

Jezero koraki daj zišlo v moje oko,

gda jutro se v oku jezera hmije.
Kak v jezera oko, celi svet i nebo,

i veliki beli  vesmir naj zide.

Štela bi biti mir i oko od jezera
oko šteroga se den  ne bantuvle

dok se okoli sebe i v sebe zgleduvle.

 

I ovo bi još štela, ako bi se dalo:
Kak zvezdastom splavaru i

jezerskomu nebogledcu lepuhu

oko da se sima nama otpre

dok nemir-vesmir zipku zanihuvle.

 

 

 _________________________________

glaž – staklo

falačec – mali komad

zipka - koljevka

jezero - tisuću

šteri – koji

bantuvati – uznemiravati

oko, okoli – okolo

zgleduvati – ogledati, ogledavati

lepuh – lopoč

zanihuvati –  zazibati; od njihati