Kolumne

srijeda, 22. veljače 2023.

Slava Rosandić | Gabrek, fakin selski


Niš koristi, zabušant i kinđuraš,
Ovak se v nedelju oglasil na farofu:
„Sosedi, dragi!
Se delam:
Brusim nože i škare,
Mečem vu red strgane embrole (po gospockem – kišobrane).
Konjekima kujem potkovice,
Pletem mekle i košarice.
Šivljem šose, bluze, fertune i klajde,
(celega sveta pamet sem pozobal!)
pak zakaj za me posla se ne najde?!
Vupal bi si čudaj penez zaslužiti –
sam to ni mogoče;
Jerbo, bečarenje i lenčarenje
Ne bi štel zamuditi!“

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.