Milan Frčko | Fašnik bez maske

Denes boš fašnik če masko ne nosiš
i saki bo f tebe s prstom pokazal,
zato kaj nesi nikoga podmazal
i zato kaj na kotlu obeda prosiš.

Čoveka bez maske nišče ne pozna.
Kakvo je to lice kaj neje skrito?
Poštenje je zdavnja na križ pribito.
Si nekaj iščo, nišče ništ ne dozna.

Baš smo lepo zišli. Nemre se reči
kak se nišče ne trsi da drugač bode,
al kaj se to vredi? Krivi nas vode.
Jeden bafče, drugi čkomi i beči.

I ve nek se čovek ftečno nasmeje!
Komu? Cajtu, vu kojem ne zna gde je?