utorak, 1. prosinca 2020.

Božica Jelušić | Prosinečka, napoprečka

 



Zdeno ranje, svetlo titra,
Kam je prešla noga hitra,
Gdi su ftiči, kaj bu z mravci,
Kam su nestali Podravci?

Masna zemlja, klica živa,
Blagoslova čeka njiva,
Miš nam v kleti prgu škrgla,
Pri susedu traktor drgla.

Agaciju jogenj liže,
Tenki dim se v nebo diže,
Čurka i kiselo zelje,
To je seljačko veselje!

Mraz po listju i po husti,
K obedu se maček hrusti,
Si smo vnutri, si zaprti,
Kak pod zemljom crni krti.

Gda prosinec zvezde zdigne,
Morti k nama Božič stigne:
Makar nam se život shabil,
Naš nas Jezuš ni pozabil!


Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.