Reči mi kak rode
dimo doletiju
sako protuletje?
Što jim pota pokože
čez široko nebo ?
Reči mi što sakoga maja
zbudi dišeče cvetje?
Što z oblakov zemlicu škropi?
Reči mi što ftičeke
popevati vuči?
Što itak tak lepo žvrgoli?
Je morti veter južni to?
Reči mi kak sam ti znoš:
stiha i pomali…
Tvoje so reči
kak veter protuletja
tople,blage, dragaju me i
lepše su od cvetja.
________________________________________________________________________
dimo-doma, kući; čez-kroz; zbudi-probudi; popevati-pjevati; ftičeki-ptičice; morti-možda;
stiha-tiho; pomali-polako; protuletje-proljeće: dragaju-miluju
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.