Kolumne

Jelena Hrvoj
Patnje mladog autora

Eleonora Ernoić Krnjak
Rozin kutak

Martina Sviben
S kodom bluesa i balade

Mirjana Mrkela
Ispovijed jedne čitateljice

Aleksandar Horvat
Kajkavsko najže

ponedjeljak, 6. siječnja 2020.

Eđidija Baldini | Medižija


Medižiju imaš
na svaken kantunu,
moraš poj pašeđat
i samo je nabrat.

Ne uz čestu
di preveć auti pasiva,
nego na livade, šume,
di slabo vidiš gume.

Od lilastog sljeza
za onega ki jako kašlja
ili fuma,
da mu se kalma.

Od žutega kantarijona
za onega ki ne more spat,
ki je nervož
kaj da mu je vajka pod grlo nož.

Za onega ki se natuka
od zelene preslice
jena tepla kupka
i mašađ od tinkture stolisnika.

Na bolno misto
zaveži list trputca,
a kantarionovo ulje
na raspucana usta.
Su te čapale kaldane
ča bi rekli valunzi,
pij si čaj od šalvije
da dan pasaš življe.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.