Vrata škriplju, obločec se trese.
Denite mi v žepe tri gevihta,
Da me bura v pustoš ne odnese.
Bor se svija, a topole skeče.
Stara greda javče pod tavanom.
Još da z brega bujica poteče,
Pak odere zemlju pod tabanom!
Ni mi preveč do živlenja stalo,
Ampak imam jednu misel skritu:
Od ovoga, kaj je preostalo,
Dve-tri pesme zahrčkati v žitu.
Nek' zmekšaju od topline ruke,
Kak jabuke kotačice stare,
I kak zlatne parmenke za vnuke,
Da ne najdu plesnive hambare!
Dva gevihta vre na pleči nosim,
Jeden v srcu, obraščen vu lišaj.
I još nekaj v prazne žepe prosim,
Dok se bura zlomanče i stiša!
13. svibnja 2019.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.