Kolumne

ponedjeljak, 25. prosinca 2017.

Zdenka Čavić | Došel je Božić


Tenjki zeleni, bor zmržnjeni, si lepo spi.
Grana mu saka žmefka i mefka
prigible se k zemli, po zimi diši.
Veter mu zdeni češere zbile
zibelku belu od snega dela,
snežno granje se bole prigiba
popevku božičnu vu nji ziba.
Z pospanoga neba sneg curi.
Zima je došla, se sӗ beli.
Z dola i z brega,
blazino belo polefko dela
na celi svet, tak ji se štelo!
Božić je snočka spotiha došel,
zvezdice z neba prhnole k ftici
angeli zlato rasiplo po kmici.
Veter  je pomel se naše pote
vu belo zvil je naše senje.
Prestrte zvezde i mesec se žote
pavučino od zlata Božiču spleli.
Vu mojemu srcu angel popeva
Božić je došel k meni!

Nema komentara :

Objavi komentar