Z jabuk su padale latice,
v okno se oblaki skrili,
a z njih su škrapale kaplice,
boži ih voleki pili.
Šari metulji se stiskali,
ne sme im kiša prah zeti;
gda ne bi vre cvetje pipali -
morali stiha bi vmreti...
Veje se prepune nišeju,
rože črlene i bele,
i jako vse lepo dišeju -
navek da tak lepo bi štele!...
Ali gda budu pomirale
i vreme ih v zemlu bu stuklo -
metulju pak suze zvirale
i drobno mu srce bu puklo...
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.