Poezija neso samo bačini,
dok amor i romantika guštoža te limba
ni dih od namoraneh
kad mesecima hi buša
poezija ni samo od tića krel
ka poleti va novi mladoletak
ni rožica ko na oltor nosiš,
znamenje Bogu i vere darovuješ
Poezija je i jod i bol i stroh,
i dižgracija i nevera va duše,
od srca šijon kega
samo horta bela trpet more
i duša ranjena kapi
Poezija je oni mižolić zadnji,
kega popiješ kad te trentaun ćepo
i kad ne znoš ku ćeš
od veseliji klotit i va oblake sanjat,
ku ćeš se zgubit
va vremene i bremene
keh ti don na put stavi
Poezija je ona bukaleta rasana
od ke va jenen žljuke
popiješ so prokljestvo svojega deština
i oni zadnji žljuk
kega va grlo nagneš
da ti gramacoda življenja
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.