Davorka Črnčec | Majuški lonec kak pisani matul

Z vrta sem došla, kak z bakinog krila.

Još mi med prsti pertrožul diši. 

Lukec i grah se takmičiju

šteri bu prije za v lonec kredu. 

Kre mrkve srameče razlistani špinat, 

od prošloga leta seme. 

A med krumpirom suncokreti. 

V jagodaj si je tratinčica našla i mamrelu i hlada. 

Škvorci su več ranu črešju kre škedja navohnuli. 

Katruže pak kak puce, črleno nakinčene, kre steze naredane, 

z gizdavim majušom v dvorišču se spominaju. 

Sako su leto se lepeše i lepše, 

kak da bi znale da jih baka od zgora, z nebeskoga vrta gledi.

________________________________________________

matul - leptir petrožul - peršin

šteri - koji

kredu - spreman

kre - pokraj

mamrela - kišobran

navohnuti - namirisati

načičkano - ukrašeno

majuš - mjesec maj je nazvan po Maji, boginji prirode; "v majušu" se u Međimurju sadilo i ženilo. Slavenski mu je naziv svibanj, po biljci svibi.