Davorka Črnčec | Pod oblokom breza bela

 

Mladi ju veter od jutra začesava, al nekak mu neide, nekak mu se osmekava.

Rosa joj kinči raskuštrane lasi,

a belu joj kožu tenkoj sakriva

sva od protuletja zelena kikla

z čmelicaj i ftičekima načičkana.

Prozirnom hladom zategnula struk

i celi se den gizdava pred hižom šepuri.

Zvečera,

dok se nebo v zlato preoblači,

a sive steze srebrom zableščiju,

ona još lepša pod oblokom 

- lefko noč - zašumi.

A vetru došepetne:

I zutra se v moju kiklu počinuti dojdi,

ti zaigranec vihrasti protuletni.

__________________________________

kinčiti – ukrašavati

raskuštrane – raščupane

lasi – kosa

kikla – oprava, suknja, haljina

čmelice – pčelice

ftičeki – ptičice

zableščiju – zablistaju

počinuti –odmoriti

protuletni - proljetni