Kolumne

nedjelja, 1. svibnja 2022.

Davorka Črnčec | Ves mir


Štela bi se med zlato ravnice skriti
dok se sive megle pod kaput zavlače.
Z rimom se pokriti kaj nej čula leto kak se plače.

Tak pokrita z rimom, pomirena z zimom
v peru i dale žigeče me reč domača,
z tintom mi šepeče, papir preobrača.


Zmišlja me na posle dežđa one cajte
gda su nas mati špotali: “Ne cupkate
v opravi novoj posle meše!
Nutri v hižu, bez depeše!“

I mom mi je pre srcu toplo
jer mi se je znova čulo -
glas matere, topla ruka,
kre tanjura črlena jabuka.


Na listu je znova zavladal mir.
Mamin dodir - dukat žuti,

tinta i papir.

VesMir.



Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.