Da v drevju rasteju nebo i ftiči,
odnegda su tak prepovedali stari.
Su znali da su jablani kre pota stali,
kak kakšni žandari. Kak skretničari.
Gda sneg je zametal sakoga tira,
oni su čkomeč zarisali traga.
Vodili japu su v deru. I strica
dok se je z vojske vračal, z rata.
Ve pak se zmislila spametna glava
da drevje na zodevi stoji kre pota.
Smeta onima šteri se nekam žurijo
i časa videti nemaju kak blizu je nebo.
Tam de bi krošnje morale šumeti,
kre ceste, več dugo ne rastejo ftiči.
Stršiju v nebo jablani, čkomiju tožni
tu gde si zdelani cug dojde počinuti.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.