utorak, 16. studenoga 2021.

Katarina Zadrija | V raj idu


Milji Bogek kakvu si ti naredil katedralu!

Ljudem za življenje, sebe na slavu.

Najljepši tu su zborskih pevači

Melodija njim se za sake vuhe zakvači.


Z trave i cvietja zotkal si pod

Prsnice su nebeski svod.

Šare si misnice narisal na albu

V skromnisti svoje nek boudu ti na slavu.


Naši su stari slavili tvoje dele.

Z moljitvu su ti zafaljili na semu,

Tebe su štuvali i poštivali majčicu zemlju.


Ne znam gda je preše po zlu

Zemlju se gnjete, truje i buši

Ljudi su gore kak pohlepne vuši.


Denes kak stekli človek po svijetu bloudi

nit kej poštiva, nit se čemu čudi.

Kak črv dele ti glođe, brez mere i miera

v žepe si meče, z penezi ofira.


Dušu je zdavnja prodal, za raj ne šparal.

Rad bi da tam ga dosmica najbolši prokulista,

zabil je za nauk da v raj idu 

oni prazni žepov čija je duša čista!


Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.