subota, 6. lipnja 2020.

Ivan Grahovec | Na križôjo



Na križôjo polek storoga pila,
pod lipom je drvena klupa bila,
stariši so ljudi so na joj sedeli,
navek dok so malo časa meli.

V nedelo dok so od meše išli,
pod lipom f hlodo so se zišli.
jani stoli drugi si na klupo seli,
spominali kaj je novoga f seli.

Sem je več nekak čudno bilo,
kaj se ne dugo nikaj dogodilo.
Unda pak je došal selski bobjor,
zbobjal i glasno jim na znoje dol.

Veterinor bo došal, je dol znati,
saki mora svojega pesa cepiti dati.
Što pak bi štel svojega pesa skriti,
bo moral joko veliko kazno platiti.

Zvonoro zvonarijo tre platiti,
kaj či što hmerje mora zvoniti.
Pred sobom treba počistiti grabo.
kaj voda po poto tekla več nabo.

Osemnajst letni se morajo prijaviti,
doktoro iti za vojsko vizito obaviti.
Na stanici se bodo zišli si sakoga sela
cug bo čakal kaj jih vu vojsku otpela.

Dok je se obznonil je moral oditi,
a i oni so več ne meli časa tam biti.
Žene so jesti složile, bilo je k redo,
so ne smeli zakesniti dimo k obedo.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.