Ivan Grahovec | Ivek i Pepa

Vu prtuletje dok se bregi zelenijo,
provo je vreme kaj se dečki oženijo.
Ivek i Pepa so več dugo skup hodili,
pak je Ivek Pepo pital kaj se oženili.

Pepa pak je na to joko srečna bila,
je komaj čakala kaj se ž jim ženila.
Z velikim veseljem rekla da se slože,
nek dojdo f snoboke kak i red nalože.

I došli so zvečera, f snobokaj bili,
stareši si vo to ime malo vina spili.
Pak so Pepičini Ivekovaj obečali
kaj bodo svoju Pepicu za moš dali.

Dobila bo mekoto zemle na špicaj
i pet redi trsja na brego v goricaj.
Najlepšo bomo kravo z štale zeli
kaj bodo za prvo silo mleka meli.

Ivekovi pak bodo jim za ve doli,
prvo hižo de bodo mlodički spoli.
Dale pak bodo si pomali skrbeli,
šparali pak bodo svojo hižo meli.