četvrtak, 5. ožujka 2020.

Milan Frčko | Tajna


Mater je kupila les i rekla: "Tu bu
babica ležala, gda bu napuštala Svet.
Kaj to mater pripoveda? Silom sem štel znati istino,
al to je bila tekar tajna više v mojem živlenju.

Posle tog kmičnog cajta vrnoli smo se vu
normalno kolotečino, vžili se sakačkih bedastoča
i bili posot rastepeni. Onda je došel red na mojo mater.
Kupil sem robačo tekar tulko kaj se dene v les
a nju so zastrugali z železnih štengi.

Denes sem, ni sam ne znam zakaj, došel v mrtvačnico
i kak nikoga ne bilo v noter, legel se vu
friško ofarbani les.Čutil sem se kak
nigdar predi.
Bil sem z one strane.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.