Kolumne

ponedjeljak, 30. ožujka 2020.

Milan Frčko | Šuski štimung


Rano ozimico sonce bo pazilo
kaj mehenj bode lepo družino mel.
Pramaletni dremežlivec več je ocvel.
Visibabe je vreme pregazilo.

Znad šumske pužarke veter je spuhnol
samo tulko kaj joj ne bode vroče,
al jena lat je rekla kak ona još oče
i prefriganec je celi cvet kušnol.

Pikeči kupinec kesno je spazil.
Suharki so mo snago pocekali.
Več je bil truden gda je trčka nagazil.

Listje i svržje komaj so dočekali
da i mir i spokoj v šumi dožive.
Šuma bo scifrana gda dojdu glive.


Foto: Milan Frčko.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.