utorak, 3. rujna 2019.

Božica Črljenec Slijepčević | Moje vnučice



Kaj ti je veno tam babica moja
Črno i veliko i sliči na noja?
Kak da joj velim da gledi vu puru
I da je bila snočka z mlinci na tanjuru
I ono tam je nekaj na gnoju
Sliči mi babica na kusu moju?!
Kak da joj velim da gledi vu prasicu
I da je vjutro jela od nje kobasicu
A ono je tam labudek tak beli
Mi bi ga babica za ljubimca zeli!
Kak da joj velim da je to guska bela
Prošlu nedelu je pečenega batka od nje jela
A one velike na trnacu pri štale naše
Ima šare i z repom stalne maše?
Mile mi je mam pri srcu tak bile
Vnučice moje mlijeke od kravice ste pile
Gda su prestale pitati sem same zdehnula
Pogladila ih po glavi i kušleca im stisnula


Nema komentara :

Objavi komentar