srijeda, 6. veljače 2019.

Željko Bajza | Dej nam značajeva (O Ksaveru Šandoru Gjalskom)


Vu Gredicah sem se rodil nekaj predi polnoči. I moj otec tu se rodil, Bog mu bil na pomoči. Vu castellumu tem trpiju stotine niti kak sene kaj su se splele izmed drevnuga doma i mene. Vutočišče vu tej hiži lehke je našel vsaki: visoki gospon z grada i neznatni siromaki. Kak da su vu ov skup novoveke frakov zabasali glasniki davnega doba ove drevne kraljevine i našli totu pravi smisel i pravu adresu. Akoprem nisu navčili oneh folijanta knjig kaj ih imate vi vu glave. Gda su mislili i samuvali verbecijanski da je zakon najvekši gospodar, a nisu pojmili noveh moderneh načela. A onda, “Carmen in libris Sibyllinis inventum” se stala, rezgali je se duša i ona začne pupevati. Pupevala je vse pu redu drage je popevke. Taj diven glas, mehek kak mlada tek pukošena trava, a mesec se več bil pudigel i kesna večer zaklopila vse. Pupevka se rezlegala pu temneh sobah starodrevneh. Stara je te pupevka. Ne pripovedam ju zate kaj z nje šumi nekaj iz nepoznateh glubinah ljudske duše prikrite saiskim velem. Z nje se čujeju stari toni kaj i vu našem veku nahajaju akorde. Teške su te reči, tere more pudnesti same dobra knjiga. Z njih brenči stara pesma bugarka tera naskroz životem ori i pripoveda nam večnost človekove tragedije, i zazivlje: dej nam značajeva!

Tiha je večer… Vu duše stvori mi se lik… Hodiš nadarjen i borben, tiskaš misli svoje vu svet, hodeč živlenjem vu obrane našeg ponosa, ze strossmayerovskem idealem:  z prosvetu k slobode. Klopoteče i brbljivci probali su zanjihati kruglu zemaljsku al onda su došli pronevjereni ideali. Kulike ognja, kulike otrova, vu črnej ženi fatalne Laure. Svetem ravna kob, udes i Laura, pak nemre razbor prav suditi. -Ja sam prokleta, to mi ori na dnu duše. La belle dame sans mercy. Ona pusti otok osečaja, pustala je njegva fatalnost. Još teče potok ljubavi i stradanja, zanosa i otrova. Još se pisec hrva ze zgodami i nezgodami. Za dobre se treba pumučiti. Historia je vitae magistra, prepuznali sme sme se vu nje trajne, ud antike i Biblije vu vlastitem okruženju. Glasi nesu prazen šum. Ladanjska sekta vu zakutku divlje zagorske romantike pusluša odjeke vu zraku. Krenime vu susret visokemu vuspravnemu hodu, odgovor je vu naše odluke.

Illustrissimus Battorych su žive pustavili scenu i odnošaje.  I nisu krivi bili kaj je ispala čudna nekakšna kronika zagorskega plemstva, tera se prevrnula z varmeđijskeh daneh vu črnu noč. Od rezolucije du koalicije. Na kraju se Cintek zdigel du simbola i z punu čašu sudbine nazdravil: - pijme na eks, vaša ekselencijo.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.