 |
| Ulje na staklu. Autor: Milan Frčko. |
Zapuhani kaj cucek k njoj sem dobežal
vu cug, gda se več pozdravila
z možem i decom.
Gda smo jeden drugoga poglednoli,
oboje smo duševno snago zgubili,
i ja sem jo zagrlil,
a ona se za moja prsa zakelila
i soze spustila.
Kušujuči joj lice, vrat,
roke mokre od soza,
šeptal sem joj kak jo imam rad,
i z težavom f srcu gotal opčutek
kak je drobno i nikaj vredno bilo fse to,
kaj nam je branilo da se imamo radi.
F pamet mi je došlo, da, gda nekoga imaš rad
onda vu svojemu gruntanju o toj ljubavi
treba krenoti od nečega višešega nek kaj je sreča
il nesreča, greh il dobročinstva,
il opče ne treba gruntati.
Kušnol sem jo zadnji pot,
roke joj stisnol,
i zanavek smo se razišli.
Cug je več fučkal i po štreki se drocal.
Sel sem se vu sosedni vagon i do prve štacije bečal.
Posle sem cipel cugom odišel do svoje Koprivnice.
opčutek-osjećaj, f pamet-u pamet, nekoga rad-nekoga voliš, gruntanju-razmišljanju, zakelila-zaljepila, kušnol-poljubil, cug-vlak, drocal-tresel, štreki-tračnicama, bečal-plakao, štacije-stanice, cipel cugom-peške.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.