 |
| Fotografija: Ivan Nivan |
Se krščansko je veselo,
gda na stol se znese jelo:
krumper, čvarki, devenice,
orehnjače, puserlice.
Se krščansko špara, čmrži,
al' navade stare drži:
da za Božić bude zresma
stol prebogat, smeh i pesma.
Ne ga lepše kak je v zimi,
gda se z kroha barjak dimi.
V koritu se pajcek smudi,
V kleti spiju srečni ljudi.
Gda vre posle zbaviš fletno,
Božič dojde brzoletno.
Repača se v kmici žari,
kak v škrabici milodari.
Plebanušu gore lica:
fest ga muči žgaravica.
Vuni veter dendereče,
pak na groblju vgasi sveče.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.