Čeleniju se na cimeru repice jabuke.
Kre špareta mamek gibanicu mijesi.
Bijeli frtun ima i ud melje bijele ruke.
Tatek si fučka dok jabuke vijesi.
Mesec je se srebre resipal.
Pu smrznute stezice za “napuprečke”
Da bi radusnuga svetla dost dal.
Družine koj pešice ide k ponočke.
Tiha je nuoč, same snijeg pud nugami škriplje.
Za ruku me babica v cijerkvicu pelja.
Tuopla je njenja ruka, zima za obraze ščiplje.
Cijerkvica z jaslica čaka, puna svetlusti i veselja.
Zdej su to same draga siječanja daleka.
Da se stezice zmislim, duša mi se mam zažari.
Božić se denes tak stiha ne čaka.
Pred nuovi, zaspali su običaji stari.
Denešnji ljudi na kredit i rate živiju.
Ud jenuga du druguga dučana kak stekli bežiju.
Ud limbuša gluhi, slijepi ud reklami koj bleščiju.
Prije nek je Božić došel, več ga putrušiju.
Da morem na Badnjak pu stare stezice pak prejti.
V srebrni mesec i zvijezde daleke, vuprijeti dečinske oči.
Bar druhtine sreče minuluga vremena tu najti.
Kak negda, da me stupi tajnuvita radust svete noči.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.