Božica Jelušić | Si so sami

Fotografije: Ivan Nivan

Si so sami sami, kak krumperi v trapu,
Kak v listincu saki listek zmočen.
Si skvrčeni, kakti trs podbočen,
I kak drobne kaplje v močnem slapu.

Sam je jagnjed i pesek v puščavi,
Starec z kljukom, kaj pod strehom čmrži.
Čun kaj komaj vodu v kljunu drži,
Bogi kukčec na kori raptavi.

Jabuka je v travi sama zresma,
Kamen v zidu, osa v zreloj hruški,
Sam je jelen kak i zrno v puški,
Čist je sama presahnula česma.

Sam je gnjetel gda pobegne v gustiš.
Sam oblačec, veter ga čereplje.
Javor, koj se sam na vetru steplje,
Moj je kipec, gda me ti zapustiš...