Kolumne

utorak, 21. ožujka 2017.

Ivan Goran Kovačić | Popevka drobnoj dečici z grada




Sve mi nekak je denes
tako lepo, veselo -
a srce
kak ptičica z gajbe
v nebo bi zleteti htelo...
I letel bi, letel z lišćem,
i s ticami tiho popeval
i v potok bi, kaj brbla v šumi,
vesele popevke zleval...
I dečicu majhenu onu,
kaj bosa po mlakami gaze,
stisnul na srce bi svoje,
kušnul v blede obraze.
Lepo bi im pripovedal
i v oči bi njihove gledal.
A srce bi slušal kaj tuče
i usne kaj šepćeju vruće!...
I onda bi njih ja stiskal
sve bliže i bliže...
i rekel bi, kakove jesu
gospodske visoke hiže.
Svega pri njim je najti,
i lava kaj vodu štrca.
I svega je, svega najti,
samo ni toplega srca!...

Onda bi gledala mene
dečica drobna i mala,
a tiho bi, tiho i tužno,
jokati dečica stala...
Zakaj njihova mama
nema do neba hiže
i lava kaj vodu štrca?!...
Drobnoj bi dečici rekel:
"Zato, kaj ima srca!..."

Zagreb, 2. XI. 1930.
Zora, 1930


__________________________
Ivan Goran Kovačić (Lukovdol, Gorski kotar, 21. ožujka 1913. – okolica Foče, kod sela Vrbnice,[2] 12. srpnja 1943.),[3] hrvatski pjesnik, pripovjedač, esejist, prevoditelj, novinar i kritik.

Nema komentara :

Objavi komentar