Kule ča hi zidan sat su sve ot soli
nanke jena ni ot te trde grote
more će hi zrušit z valon prve plime
a ja stešo zidan i jopet i jopet!
Najbolje prontievan pofat da ne rabi:
nikat se ne zna kat će dragi prit.
Kat budu na vrati neka me ne najdu
da in nisan bila punjava i štit.
Prsti su pomalo gobasti i trdi.
Ne porta! Ja jopet zalivan i sadin.
Čekan svoji ljudi z staremi mižoli
ki moru povedat sve ono ča rabin.
Vetar će dorivat brod z punemi jedri.
Sunce će pozlatit boki vele barke
Raskrgat će blaga od bielega svieta
sve će rane bit skrite puli njedri.
Veselit ćemo se,stiskat i kantat
povedat si štorije od zlatne sirene
zvadit ću ono ča san zdavni skrila
a za pikulece neću baciljat.
stešo - svejedno
prontievan - pripremam
pofat - usprkos tome
gobasti - grbavi
porta - smeta
mižol - čaša
pikulece - sitnice
baciljat - mariti
dorivat - dogurati
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.