njihova lica su
sva jednaka
a drugajča
svaka na svoj mot liepa
moga biš hi gledat
mlaje nego ča za spravlje su
ubučene da kumpariju
prez pohićevat se
znaju složit da bude gušt vidit hi
mir i mlada koža
reklo bi se
da su bile prešparane
da su in svi bili pravi
da su imele sve ča su stele
za se i za unijsti okoli njih
hodiju kako da koračaju
zgora tla
kako da hi nič ne more ranit
vidiš ku je lepota znutra
ali je forši kupljena
i se forca durat
ni hi sran reć
koliko su već s nami
da nisu jušto najmlaje
zberene su
za pasat najtežo stazo
koliko got puti rabi
______________________________________
______________________________________
svoj mot-svoj način
za spravlje-zaista
kumpariju-skladno pristaju
pohićevat-razbacivati
prešparane-pošteđene
forca-sili se
durat-trajati
zberene-izabrane
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.