Jedna te strast nek vodi strast za daljinami, za daljinami bez granice tam buš našel skrovite predele vlastituga detinstva, prosvetlenje je neumorni putnik, stupa brže saki dan i lehko ti pobegne ak ga ne slediš. Laisser faire, Laissez passer- pustite sakoga nek dela kaj hoče, ja ne idem tu bum ostal tu nek vumrem, tu bum i ove svoje stiheke ostavil i nek se zna tu je pesmu spravil jeden mladi junak v palače plačuči preželjno tugujuči. Kaj mi hasni mladost kad me lada žalost, ne mrem nemam snage, nit znam kam da krenem. O zakaj ja nemam te ideale kaj sam ih navek imel vu sebe, nemam više ni mača kaj mi ga je višnji poklonil to je zdaj one mračne vreme trenutne vu tebe al znad zemlje vu vekšini jesu ni svetli i beli oblaki, a znad tamnoplaveh bregov zagorskeh plazi zlatni trag.
Se je vu nami i nemir i sreča i bol, se je put vu raj naveštanje raja dok se ne upitaš o svoje prošlosti. Ja sam same još jeden izuzeten mladec teri je izneveril, svoje stare, svoj talent i ambcije i krenul stramputicom besciljnih lutanja, besperspektivnih istraživanja, besciljnih znatiželja. Naj hitati senu na velike ime tvoje familije tvoji pređi su se navek znali održati i na zemlje i na vode. Puno buš toga videl na tem putu, sinek to ti je zakon često krat buš zazaval Boga, majku, pomoč. Nešče mora platiti za se te zločine, starci su jeli kiselo grozdje, a njihovem potomkem trneju zubi. Ja nisam pretiran ja sem dobrovoljno otišel, - pustite me pustite da patim bila je lepa, jako lepa, kralevski lepa kosa je je bila riđa, garava i plava nesmem više ob tomu misliti. Gleč ovde je on grob na terom su zlizana slova. Tu piše da ovde leži mater tera je pod srcem nosila svoje jedino dete. Tu duša sakih stolet svoje telo posečuje. Imela je petero brače. Ona kak najmlajša ni imela miraza i ni se mogla udati pak je onda braču preklela. On bu sam do toga došel človek navek hodi tam kud je jedino moguče, ja razmem tebe znam da razum govori a osečaji grizeju. Se se rešavle z borbom.
Biti bolši od drugoga jedini je zakon da od poraženoga postaje pobednik od neprijatela prijatel. Gleč tu je ta škrinja teru gda je otprl odmah je odletel, gleč na dnu škrinje je same jedna cedula i na nje piše «kreni Šandore». Gda se popnemo gore vidli bumo gde je on gde se nalazi i kak mu moremo pomoći sad je več gotovo njega su več poslali na front, a grešniki ki su poraženi vu peklu vodiju živlenje kakve zaslužujeju, ar on ni grešnik, on je jošče premlad da bi bil pokvaren nišče ne želi poslušati ob patnjah. Ti bi se trebal takve navade zdavnja ostaviti jer si ti mnoge šatrije delal i mlajše takaj navučal.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.