Zemlja gda nosi kervave žulje
megla je tougu, radost skriva.
Naroda bile je kak pljeve.
Spod roubače kerv kotari živa.
Iščem veda spomenjku si druga.
Prede bi vranin rep vlovila.
Zahukan oblok briše touga
v blatu je lafra pljesniva.
Veda v strahu firinga dršče.
Na čoube se lokot nariva.
Iščem serce gde radost ne hrče,
na trček bi sesti gda rosa vmiva.
Zmed granja nek sounce nas išče.
Pod nogami nek švasti listje.
Kuraža radost nek preljufče.
Naj biti kak splašene pišče.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.