petak, 8. listopada 2021.

Aleksandar Horvat | Jesen i veter


“Zmiri se!” - jesen je stiha rekla
Vandravcu vetru dok se pojavil.
Nehoteč ga za jezik povlekla,
A on je celu dramu napravil,
Do večerke se neje zastavil.
Gondral je, tulil, delal se norca,
Čez kostanj preletel, besnel i klel,
Črepe posmical z kroha od koca,
Ze štrika robače doli je zel,
Žalosni vrbi vse grane je splel.
Praha nadigal, smetje raznašal,
Čuče kopital spod kuružnjaka,
Babi fkral rubec, dedu zanašal...
Čkomeča jesen ni dala znaka
Da ikaj mari za tog divljaka.
Na kraju se veter v besu rastepel,
Odišel fučkat stiha pod brajdu,
Sreča kaj je kostanje natepel
Kaj jih šumski šetači najdu,
Dok v lepu šumu jesensku zajdu.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.