nedjelja, 28. ožujka 2021.

Katarina Zadrija | Slak







Pred hižu, priek rastovoga plota
Za kojem je dišala šipkova rouža,
A grgine gizdave su digale glave
Hitre i lake noge su prhnule
Ni dodele niesu med letvami slak.

Potok je bil, šte zna kak si ga preletel
Če baš ga je zajašila gacijina brv.
Fleten i hiter f prtanjek si žitek metal
Od kraja svitnjak, a poklje z prtanjka štrik,
Prsa ti stiskal, se bolje te gnjel.

Denes gda raščinjaš z prtanjka žitek,
Veternica gde koji koukolj hiti vum,
Vouže se neda, vlječe te, ojdi poglej
Je navek još priek potouka gacijina brv.

Pragišče su poune zlatnoga žitka.
Prtanjek ti veže zeleni svitnjak.
Kak niesi videl i zake niesi znal
Zmed plota ti slak prtanjka se prijel
Stiskal te, vljiekel, za plout vu stari kraj.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.