svit se pogubija,
svi ništo predikaju,
kamo drugo pojti
još ne znaju,
ili je korona ili je pasala,
zgubila se busola, ud čuda
noticiji,
para mi se da je i Bog
ud nas diga ruke,
ponjušiti san stila
crleni šipak
ma ne zadaje kako i nikad,
listi su mu uvijeni, boni,
mačke suseda su preuzele
palicu i rastežu se lino na vrh
stare ulike, dižu mi tlak,
ma
ne smin zviknuti na nje, pržun
je zajno pronat,
znopako ili znapro,
ča je sada
jušto, svaki po svoju tuče,
regule su zapišene i zahičene,
ni hi rabilo mečati u libre...
mati moja lipa, forši ti imaš
kakovo drugašlje i liplje mišljenje...
____________________________________
vajka-uvijek
predikaju-govore
pojti-poći
pasala-prošla
šipak-ruža
zadaje-miriše
boni-bolesni
palicu-vlast
ulike-masline
smin-smijem
pržun-zatvor
jušto-baš
regule-pravila
zahičene-zabačene
mečati-stavljati
libre-knjige
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.