Zjutra bi se umili,
prekrižili i Boga dozvali.
Pole bi svaki na svoje delo
ki u kužinu, ki u kampanju,
ki s blagom na livadu,
a ki anke u zjog.
U podne kad bi
kampana zvonila
bi Angelus izmolili
a pokle užine bi malo spali.
Popodne, kako bi već
koje vrime teklo
svaki bi zna ča mora
ma nikad se ne bi zabila krunica.
Navečer je najlipše bilo
bi se skupili stari i mladi
čakulali, ništo delali
a s tim delom i kantali.
Vajka bi na red došle
razne štorije
od štrigi i čudesa
ma ni manjkalo njanke plesa.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.