petak, 31. siječnja 2020.

Zvonko Kudelić | Menage a trois (Gašpar, ti i ja)


razbielel se gašpar
otoman se zgrel
na se nas vabi
kak z teveja reklame

sviter na podu
hlače kre njega
sram me reči
čega je se po stolu

siene po zidi
tera je čija?
koga to briga ?
se vrieme sme jene

sklupčani, spetljani
znojni i raskuštrani
pijeme zrak
z istoga pehara

a vjutre doma
po škripečumu sniegu
pripovedaš putem
o sakomu gizmecu
teri je prešel
čez tvoje tiele
(a tulike ih nigdar
nisi doživela v životu)

a ja sam si mislil
dej več ne klepeči
bile je gli onak
kak i mora biti

al nisam imel srca to ti reči…

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.