Kolumne

četvrtak, 2. siječnja 2020.

Aleksandar Horvat | Novoletni memento



Novo leto vletelo je na najvekša vrata,
Pijače i jedače čez čreva se premeču,
Pocalo je i treskalo kak za zadnjeg rata,
V imenu prelepih želji za zdravlje i sreču.

“Srečno novo! Srečno novo!” - mantramo jen drugom,
V novomu bu vse nanovo, mora biti bolje,
Staro zbriši i pozabi, počni z novim krugom,
Ništ ne košta sakom dati malo dobre volje.

Čekali smo novo leto kaj nam život krene,
Da nam pamet v jutro svane čista i oprana,
Čekali smo da nas novo v pravi smer okrene,
Na kraju smo dočekali tek novoga dana.

Oko kremežljivo trepče več od jutra rana,
Pogledava v špiglu novoletnoga čoveka,
Baš je isti kak i lanjski, od prošloga dana,
Se kaj ga je fčera trlo, još navek ga čeka.

Najnoreša noč je prešla, a špigel je ostal,
Tu je nutri moja slika, stara kak i prije,
Od seg slavlja nigdo nije nekaj novo postal,
Osim leta novoga - ništ drugo novo nije.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.