subota, 28. prosinca 2019.

Zdenka Čavić | Luč Božića




Zlata čkomina žari srce,
diši kuruzni kruh i kašnjaki.
Zdela s prežganom juhom se puši,
na Badnjak vužgane su nebeske luči.
Slama pod stolom, šenica vu križ
pod stolnjak je deta.
Kuhlof s jabokom i bela sveča
z nami Božiča čeka.
Mati i otec su v tihi molitvi,
majkica drema pri stari peči.
Sem došla postiha,
ne vupam ništ reči.
V duši je svetlo,
jogenj v srcu gori.
Bila sem mala,
Božiča z njimi čekala.
V duši za navek
luč se vužgala.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.