Kolumne

nedjelja, 24. studenoga 2019.

Milan Frčko | Kraj vodenog špigla


Čon se došmajhal k dračo i počivle.
Vu njem je voda, kaj ne bode žeđen.
Betve se ziblejo kaj da so bređe.
Zemla je prefrigana i fkraj ih rivle.

Vrbino svržje bez listja zgledi kak prsti
kaj čkomino i čisti zrak premečo.
Spod vodenog špigla belke se šečo.
Drže se gizdavo kak da ih voda krsti.

Obala je oltar saki podravski duši.
Tu se počineš i vžiješ spokoja
i gda te zleca drevo kaj se vruši.

Rad imam suho lišče. S toga bo gnoja
zrasel nerod kaj od vetra me brani.
I kak mi onda ne bo lepo na Dravi?

Foto: Nikola Wolf.

Nema komentara :

Objavi komentar

Hvala na vašem komentaru. Isti će biti objavljen nakon pregleda moderatora.