subota, 3. kolovoza 2019.

Anica Lukina | Dešč



Zčrnele se
grmi i sijeva.
Z krova, prek žleba
dešč se zlijeva.
Kalni potuk
teče z brega.
Veter puše,
vijejke trga.
Propuh vliječe,
žvenči, šumi, fijuče.
Sklapaju se ruke;
dragi Bogek, nedej tuče!
I pumalu, pumalu,
miri se, pak staje.
Zgledi da se scurel,
sunčeku meste daje.
Kak šaru jambrijelu
nebe zdej dugu utpira.
Sunčeke brege zasvijetli
i črne oblake restira.

Nema komentara :

Objavi komentar