nedjelja, 24. prosinca 2017.

Anica Lukina | Božićna purica


Božić dulazi, slavlje se sprema.
V hižice naše letes purice nema.
Bleščeča reklama svijetli z visina.
Smrznuta z dučana je skupa i ni tak fina.
Bez pure Božić bu došel, odluka je upala.
Senek, udreči se navade stare ni stvar mala.

Jedne jutre budne oke čez okne spazi;
čija to pura naše dvurišče gazi?
Glatka perja, kre plota se špancijera.
Budnumu oku neke neda mira.
Najemput v glave neke blesikne,
strijela nebeska v same srčeke pikne.
Buog dragi navijek misli na svoja stvurenja,
nebu pustil da buju gladna i žejna!
Mam zažari ljubaf Buoža, oko srca tupluota,
dok se ta pura i dalje mota kre plota.
Pak On je te purice na puta stal,
da nas puhodi, zapoved je dal.
Ni dobre ud Bogeka dara udbiti,
nek ga zeti i pri maše se pumuliti.

Skoči dečec, zgrabi ju vkutu,
dok je pri nas, na Buožem je putu!
Da se Bogek ne predumisli, treba brzi biti,
ne se premišljavati, nek ju ščijem prije vluviti.
Veliki dar ud Boga sme prijeli,
na Božić sme si šaru puricu pujeli!
A unda...
Na Štijefanje dugudila se ona stara;
jena pura, eli pandure mam dva para!
Susedi su nas več na suda dali,
da sme im najlepšu puru vkrali.
Teške je z ljudi ki nemaju vere,
ne veruju v Boga, nek v „službene mjere“.
Krim-policija trage parklji išče,
da je njihuva pura došla v naše dvurišče.
Z kante za smetje uglobane kuošče su skupali,
veliju, na DNKa analiza ga buju dali.
Zdej gospona suca uveriti  nam treba,
da nam je ta purica poslana baš z neba.
Mi se suda ne bujime,
pred Bogem i ljudi čistuga srca stujime.
Dobre zname da nam je Bogek puricu dal,
nas ni briga de ju je zel, e ju je morti vkral.

1 komentar :