Kolumne

četvrtak, 30. studenoga 2017.

Denis Kožljan | Zvono Svetega Martina


uve dane, kilometre daleko
od hiže svojega življenja,
čujen zvono, drugašlje tuče,
ćuda puti, pitan ča bi reč, nidan ne zna,
pak gren leč, a ono jopet klempesa,
brojin, više od sto puti, si pensan da
forši ima kakovu potribu da nan zliči
rane, dopre našu šunjavu pamet,
sklopin oči, glava na kušinu, spin kako
u bumbaku, kad zvono se lavalo, din
i don, jušto pak od kraja, gledan na uru,
još je do dana, a kamo li do podne i
užance od ručenja...
činila san đireto i pošla drito do vrati,
starica ka je klečala u banki mi je veramente
rekla da je to Zvono Svetega Martina, ko je
tuklo i zvonilo od svita i vika i još če ko Bog da...

______________________________________

hiže - kuće
drugašlje - drukčije
čuda - puno
ča bi reč - zašto
gren - idem
klempesa - simo tamo udara bez reda
zliči - izliječi
šunjavu - glup
bumbaku - pamuku, vati
lavalo - krenulo
đireto - šetnja
banki - klupe
veramente - točno, uistinu

Nema komentara :

Objavi komentar