Zdenka Čavić | Foringaš strplenja

Gliboke jarke po stezi živlenja
zavuzdati mora foringaš strplenja.
Vihraste cajte v red postaviti
zvirek mladosti pripraviti
na se kaj ga potlam čeka.
Gizda se mladost cifrasta i lepa
ali polefko gubi i potepa
ti opojeni kušlec živlenja.
Strplenja foringaš ti treba
v leta zajdeš i več ne najdeš
tuliko bejnih lepih opčutki.
Meglena steza te prevzema.
Foringaš strplenja i trplenja
zagrinja kmične jarke,
prigrinja k sebi lepe cajte.
Nigdar takve fele i farbe
kak kaj ih je mladost narisala,
zdavnja srcu i duši zapisala.
Vu falačece ju deni,
saki ficlek nek senja.
Strplenja foringaša zastavi
nek te čez živlenje pela.

Zdenka Čavić, Koprivnica
Drugo mjesto
_________________________________________________________

Vezane objave:

Imena pobjednika natječaja „KAJ 2017“

Rezultati natječaja KAJ 2017. časopisa za književnost Kvaka
1. Natječaj kajkavske poezije – časopisa Kvaka „KAJ 2017“