Kolumne

subota, 22. srpnja 2017.

Neven Dužević | I eto projde



i projde
i ni več nazaj
samo spreda
dok se spopikavleš
po zraubane ceste
več te niš ne straši
ni mrklica
ni baba
ni baukač
ni greda
več ni ničeg
samo spreda
huda jama
mlačni mraček
spotuleni pes
i črni maček

i ni niš dobre kaj sem bil
vu soldatiji
v kmetske bune
i pop v opatiji
se to isto dojde
sam sečanje ne projde
da je bilo
vino, pivo
i črlene usne
senje žive
lude gljive
dal bu opet došlo
i kad dojde
ni več nazaj
samo spreda
mrklica
baukač
baba
greda
mlačni mraček
spotuleni pes
i črni maček
če bu čuda barem male
tu i tame sunca zraček!

Nema komentara :

Objavi komentar