Slavica Sarkotić | Gda prešla si mama

Gdo bu mi vezda misli čital
Podragal mi brižno lice
Gdo bu mi slane suze brisal
Odegnal od mene kmice
Gda prešla si, mama

Gdo bu v teskobe
Vuz mene sedel
Gdo bu v tegobe
Milo me gledel
Gda prešla si, mama

Gdo bu mi z brigum
Podragal čelo
Gda zaspim nad knigum
I pozabim na jelo
Gda prešla si, mama

Gdo bu mi opraščal
I unda gda sem kriva
Gdo bu me batvoril
V jutra sumorna, siva
Gda prešla si, mama

Gdo bu mi čaja kuval
Vrhnje nosil, sireka solil
Najlepše jabuke za me čuval
Bogeka za me tak usrdno molil
Gda zanavek si prešla, mama