(Jelena Križarica)
Sve ćeš mi ti dat
ča te buoden pitala:
ljudi, šoldi, poslat ćeš pisma
da mi muorajo storit na voljo.
Ku i ne buodeš kapi zač pitan
fidat ćeš se da delan
jušto ča rabi.
Tr ti nanke ne biš bi
rabi bit cesar.
Zgojila san te najbolje
ča san mogla i znala,
otročica z kraja svieta
kejste se je potrefilo
da sreti velega gospodina.
Posložilo se je, valja,
jušto kako je muoralo bit.
Imet ćeš navr
da mi nič ne fali.
Gledat ćeš
da se škrbijo za me.
Zvat ćeš me
da priden živet kamo got ću.
Jas ću pak, najveć vremena,
prez da ti to rečen,
molit da ti buodeš
štabel i srećan.
Nema komentara :
Objavi komentar
Hvala na vašem komentaru. Isti će biti objavljen nakon pregleda moderatora.